पिंपरी चिंचवड गुन्हे शाखा युनिट ४ ची धडक कारवाई; अपहरण व जबरी चोरीप्रकरणी ६ आरोपी गजाआड, १ लाख ८० हजारांचा मुद्देमाल जप्त
चंद्रशेखर पात्रे :
पिंपरी-चिंचवड गुन्हे शाखा युनिट-४ च्या पथकाने अत्यंत कौशल्याने तपास करत अपहरण आणि जबरी चोरीच्या गंभीर गुन्ह्याचा अवघ्या काही दिवसांत छडा लावला आहे. या प्रकरणी पोलिसांनी ६ सराईत आरोपींच्या मुसक्या आवळल्या असून त्यांच्याकडून १ लाख ८० हजार रुपयांचा मुद्देमाल जप्त करण्यात यश मिळवले आहे.
**नेमकी घटना काय?**
२१ ऑगस्ट २०२६ रोजी तक्रारदार हे सोसायटीच्या गेटजवळ उभे असताना आरोपींनी त्यांना जबरदस्तीने रिक्षात कोंबून त्यांचे अपहरण केले. त्यानंतर त्यांना बेदम मारहाण करत त्यांच्याजवळील रोख रक्कम हिसकावून पोबारा केला होता. या संदर्भात देहूरोड पोलीस ठाण्यात गंभीर गुन्ह्याची नोंद करण्यात आली होती.
**तांत्रिक विश्लेषणाच्या आधारे आवळल्या मुसक्या**
गुन्ह्याचे गांभीर्य ओळखून युनिट-४ च्या पथकाने तातडीने तपासाची चक्रे फिरवली. सीसीटीव्ही फुटेज, तांत्रिक विश्लेषण आणि गोपनीय बातमीदारांकडून मिळालेल्या माहितीच्या आधारे ६ संशयितांना ताब्यात घेण्यात आले. सखोल चौकशीदरम्यान आरोपींनी गुन्ह्याची कबुली दिली.
**अटक करण्यात आलेले आरोपी:**
१. सुरज शंकर चलवादी** (वय २४, रा. सिद्धार्थनगर, मामुर्डी)
२. दिपक दयानंद भंडगे** (वय २४, रा. नऱ्हे)
३. अविनाश अरुण वानखेडे** (वय २६, रा. नऱ्हे)
४. प्रथमेश उर्फ प्रतिक हरीभाऊ कंक** (वय २७, रा. पनवेल, रायगड)
५. विराज उर्फ सनी युवराज हिरवे** (वय १९, रा. मामुर्डी, देहुरोड)
६. ईसाक राजु काजापुरम** (वय २८, रा. मामुर्डी, देहुरोड)
अटक करण्यात आलेल्या आरोपींवर यापूर्वीही दरोडा, जबरी चोरी यांसारखे अनेक गंभीर गुन्हे दाखल आहेत. आरोपींकडून गुन्ह्यात वापरलेली रिक्षा, मोबाईल फोन आणि इतर साहित्य असा एकूण १ लाख ८० हजारांचा मुद्देमाल हस्तगत करण्यात आला आहे.
तपास पथक :
ही कामगिरी वरिष्ठ पोलीस निरीक्षक अर्जुन घोडे पाटील, सहायक पोलीस निरीक्षक श्रीधर भोसले, तसेच अंमलदार राजाराम लोणकर, महेश वायबसे, अमोल बोराटे, गणेश महाडीक, संतोष असवले, सचिन मोरे, गणेश सोनटक्के, अंजनराव सोडगीर, रामदास मेरगळ, शेखर खराडे, अमोल वेताळ, अमोल माटे, बाबाराजे मुंढे, दयानंद खेडकर, संदीप सुखदाणे, सचिन नागरे, प्रशांत सोनवणे, त्रिनयन बाळसराफ, नागेश माळी व ननावरे यांच्या पथकाने केली.
