माणुसकीला काळिमा ! नराधम ‘बिपाशा’ टोळीला पोलिसांनी ठोकल्या बेड्या ; पुण्यात पाशवी कृत्याचा संतापजनक पर्दाफाश !
पुणे | विद्येचे माहेरघर असलेल्या पुण्याच्या पवित्र भूमीवर माणुसकीला कायमची मान खाली घालायला लावणारी एक अत्यंत नीच आणि पाशवी घटना घडली आहे. एका निष्पाप मुस्लिम युवकाला विष्ठा खाऊ घालण्यासारखे अघोरी आणि अमानुष कृत्य करणाऱ्या बिपाशा नामक तथाकथित तृतीयपंथीयाला आणि तिच्या साथीदारांना आंबेगाव पोलिसांनी बेड्या ठोकल्या आहेत. या नराधमांच्या विकृतीमुळे संपूर्ण पुणे जिल्ह्यात संतापाची लाट उसळली असून, ‘माणूस’ नावाचा प्राणी इतका अधम कसा असू शकतो, असा संतप्त सवाल आता विचारला जात आहे.
विकृतीचा नंगा नाच!
मिळालेल्या माहितीनुसार, या नराधमांनी पीडित युवकाला केवळ बेदम मारहाणच केली नाही, तर क्रूरतेची सर्व सीमा ओलांडून त्याला विष्ठा खाण्यास भाग पाडले. ही घटना म्हणजे केवळ गुन्हा नसून मानवी संस्कृतीवरील एक भळभळती जखम आहे. समाजात वावरताना स्वतःला वेगळे समजणाऱ्या या विकृत टोळीने कायद्याचा कोणताही धाक उरला नसल्याचेच या कृत्यातून सिद्ध केले आहे.
SDPI कडून न्याय हक्काचा एल्गार
या अमानुष घटनेची माहिती मिळताच ‘सोशल डेमोक्रॅटिक पार्टी ऑफ इंडिया’च्या (SDPI) कार्यकर्त्यांनी तातडीने रणांगणात उडी घेतली. कार्यकर्त्यांनी आंबेगाव पोलीस ठाण्यावर धडक देऊन या घटनेचा तीव्र निषेध नोंदवला आणि नराधमांविरुद्ध कठोर कलमान्वये गुन्हा दाखल करण्यास पोलिसांना भाग पाडले. पीडित युवकाला जोपर्यंत न्याय मिळत नाही आणि या प्रवृत्ती ठेचल्या जात नाहीत, तोपर्यंत स्वस्थ बसणार नाही, असा जळजळीत इशाराही यावेळी देण्यात आला.
पोलीसी ‘प्रसाद’ आणि फरार आरोपींची पळापळ
आंबेगाव पोलिसांनी घटनेचे गांभीर्य ओळखून रात्रीत सूत्रे हालवली आणि मुख्य सूत्रधार बिपाशासह तिच्या काही टोळीवाल्यांच्या मुसक्या आवळल्या आहेत. मात्र, या गुन्ह्यातील काही नीच आरोपी अद्यापही अंधाराचा फायदा घेऊन पसार झाले आहेत. पोलीस त्यांचा कसून शोध घेत असून, “कायद्याचे हात लांब असतात” हे या फरार गुन्हेगारांनी विसरू नये.
“पुण्याच्या मातीत असा हैदोस घालणाऱ्या या विकृतींना जरब बसलीच पाहिजे. अशा नराधमांना केवळ तुरुंग नाही, तर समाजातून हद्दपार करण्याची वेळ आली आहे!”
प्रेस मीडिया लाईव्ह: अशाच निर्भीड आणि रोखठोक बातम्यांसाठी आमच्या चॅनेलला शेअर करा आणि सबस्क्राईब करा!
