कोंढवा खुर्द मध्ये काँग्रेसचा ‘हात’ भक्कम; प्रभाग १९ च्या विकासासाठी तस्लिम शेख मैदानात
पुणे : पुणे महानगरपालिका सार्वत्रिक निवडणूक २०२६ चे रणशिंग फुंकले गेले असून, प्रभाग क्रमांक १९ (कोंढवा खुर्द – कौसर बाग) मध्ये भारतीय राष्ट्रीय काँग्रेसने आपली ताकद झोकून दिली आहे. या प्रभागातून काँग्रेसने अत्यंत अनुभवी आणि जनमानसात मिसळलेल्या उमेदवारांना संधी दिली असून, तस्लिम हसन शेख यांच्या नेतृत्वाखाली काँग्रेसचा ‘हात’ अधिक भक्कम झाल्याचे चित्र दिसत आहे.
बलाढ्य उमेदवारांची फळी
प्रभाग १९ च्या विकासाचा बॅटन हाती घेत काँग्रेसने चारही जागांवर आपले अधिकृत उमेदवार जाहीर केले आहेत:
प्रभाग १९ (अ): तस्लिम हसन शेख
प्रभाग १९ (ब): आशिया मणियार
प्रभाग १९ (क): कासिफ फकरुल सय्यद
प्रभाग १९ (ड): तहेझीब मोईनुद्दीन सिद्दिकी
या चारही उमेदवारांनी आपापल्या क्षेत्रात सामाजिक कार्याचा मोठा ठसा उमटवला आहे. विशेषतः तस्लिम हसन शेख यांच्या मार्गदर्शनाखाली ही टीम प्रभागातील नागरी समस्यांच्या निवारणासाठी मैदानात उतरली आहे.
विकासाचा अजेंडा : कौसर बाग आणि कोंढव्याचा कायापालट
निवडणूक रिंगणात उतरताना काँग्रेसने केवळ आश्वासने न देता ठोस कृती आराखडा समोर ठेवला आहे.
या मध्ये प्रामुख्याने :
पाणीपुरवठा: कौसर बाग आणि परिसरातील उच्च दाबाने पाणीपुरवठ्याचे नियोजन.
पायाभूत सुविधा: अंतर्गत रस्त्यांचे कॉंक्रिटीकरण आणि सांडपाणी वाहिन्यांचे सक्षमीकरण.
आरोग्य आणि शिक्षण: प्रभागातील महापालिका शाळांचा दर्जा सुधारणे आणि सुसज्ज दवाखान्यांची निर्मिती.
सुरक्षितता: परिसरातील वाढती रहदारी पाहता वाहतूक नियोजन आणि सीसीटीव्ही यंत्रणा कार्यान्वित करणे.
जनतेचा वाढता पाठिंबा
गेल्या काही दिवसांपासून प्रभाग १९ मध्ये काँग्रेसच्या उमेदवारांनी घेतलेल्या गाठीभेटींना नागरिकांकडून उत्स्फूर्त प्रतिसाद मिळत आहे. “स्थानिक प्रश्नांची जाण असलेले आणि नेहमी उपलब्ध असणारे नेतृत्व आम्हाला हवे आहे,” अशी भावना कौसर बाग येथील रहिवासी व्यक्त करत आहेत. तस्लिम शेख, आशिया मणियार, कासिफ सय्यद आणि तहेझीब सिद्दिकी यांच्या या ‘चौफेरी’ने प्रचारात आघाडी घेतली असून विरोधकांसमोर मोठे आव्हान उभे केले आहे.
“आमचा लढा हा केवळ सत्तेसाठी नसून प्रभाग १९ मधील प्रत्येक नागरिकाच्या हक्काच्या सोयी-सुविधांसाठी आहे. काँग्रेसचा हा हात विकासासाठी सदैव तत्पर राहील.” — तस्लिम हसन शेख (उमेदवार, प्रभाग १९ अ)
पुणे मनपा निवडणुकीच्या या रणधुमाळीत प्रभाग १९ मधील ही लढत अत्यंत चुरशीची ठरणार असून, काँग्रेसच्या या मजबूत फळीमुळे मतदारांचा कल काँग्रेसकडे वळताना दिसत आहे.
मोहसीन हसन शेख यांच्या त्या मातोश्री असून हसनभाई शेख प्रतिष्ठान च्या वतीने केलेल्या समाजकार्याची दखल मतदार राजा नक्की घेईल असे जाणकारांचे मत आहे.
