जीवशास्त्र विषयात यशाचा झेंडा अन् नावासमोर ‘डॉक्टरेट’चा मान! डॉ. प्रा. अमोल बंडगर यांच्या यशाने शैक्षणिक क्षेत्रात आनंदोत्सव!
इचलकरंजी : गोरखनाथ चिखलकर ;
महाराष्ट्रभर सध्या ज्या एका कौतुकास्पद बातमीची चर्चा शिक्षणक्षेत्रात वेगाने पसरत आहे, ती म्हणजे डॉ. प्रा. अमोल बाळासाहेब बंडगर (सर) यांनी शैक्षणिक मैदानात मारलेली उत्तुंग गदा!
माणसाने आयुष्यात काय कमवावे? तर अहोरात्र घेतलेल्या कष्टांच्या आणि संशोधनाच्या जोरावर स्वतःच्या नावासमोर ‘डॉक्टर’ ही दोन अक्षरे लावून घेण्याची ताकद! अहो, डॉक्टरेट मिळवणे म्हणजे काय पन्नास पैशांचा पोहे-चहाचा मामला आहे काय? पण आपल्या बंडगर सरांनी ही ‘मानद विद्यावाचस्पती’ (Doctor of Philosophy) ही मानाची पदवी अतिशय सन्मानाने आपल्या नावावर कोरली आहे!
एवढ्यावरच हे यशाचे सत्र थांबले असते तर ते बंडगर कसले? डॉक्टरेटचा हा बहुमान पाठीवर पांघरतात ना पांघरतात, तोच त्यांनी ‘सेट’ (SET) या अत्यंत आव्हानात्मक परीक्षेत – तीही ‘जीवशास्त्र’ (Biology) या क्लिष्ट विषयात – अभूतपूर्व यश संपादन केले! जंतू, पेशी आणि जनुकांच्या या अथांग जंजाळात सरांनी मारलेली ही मुसंडी पाहून या विषयाचा अभ्यास करणारे सारेच थक्क झाले आहेत!
आता या सगळ्या पराक्रमाचे मूळ कुठे आहे, असा प्रश्न जर विचारला, तर त्याचे उत्तर त्यांच्या संस्कारांत आणि रक्तातच आहे! सरांचे वडील, माजी सैनिक श्री. बाळासाहेब बंडगर यांनी देशाच्या सीमेवर अहोरात्र सेवा बजावून कर्तव्याचा वस्तुपाठ घालून दिला; तर सुपुत्राने इथे शैक्षणिक मैदानात रात्रंदिवस ज्ञानसाधना करून यशाचे झेंडे गाडले! एकाच कुटुंबात देशसेवा आणि ज्ञानसेवेचा हा जो काही सुरेख संगम झाला आहे, तो खरोखरच वंदनीय आणि अभिमानास्पद आहे.
विद्यार्थ्यांच्या डोक्यात ज्ञानाचा प्रकाश पाडणे, शिस्त रुजवणे आणि संशोधनाची तीव्र ओढ निर्माण करणे ही सरांची खरी ताकद! त्यांच्या मार्गदर्शनाखाली शिकणारा प्रत्येक विद्यार्थी काहीतरी नवीन शिकण्याची प्रेरणा घेऊनच बाहेर पडतो, असा विश्वास त्यांचे विद्यार्थी व्यक्त करत आहेत
सध्या बंडगर कुटुंबीय, मित्रपरिवार, सहकारी आणि विद्यार्थ्यांच्या गोटात उत्साहाचे उधाण आले आहे. सर्व स्तरांतून त्यांच्यावर अभिनंदनाचा आणि कौतुकाचा प्रचंड वर्षाव होत आहे
तस्मात, डॉ. प्रा. अमोल बाळासाहेब बंडगर (सर) यांना या ‘मानद’ आणि ‘ज्ञानद’ यशाबद्दल आमचा मनःपूर्वक साष्टांग नमस्कार! तुमच्या पुढील शैक्षणिक, सामाजिक आणि संशोधन क्षेत्रातील यशस्वी प्रवासाला मनापासून हार्दिक शुभेच्छा!
असेच पुढे जात राहा, आणि यशाचा असाच ‘बंड-गजर’ करत राहा!
