सहकारातल्या दिग्गजांचे पुण्यात पाऊल ! आयुक्त दीपक तावरे यांच्या शुभहस्ते असोसिएशनचा वर्धापन दिन सोहळा
पुणे : ‘सहकार’ हा केवळ बँकिंगचा कोरडा व्यवसाय नाही, तर ती शोषितांच्या आणि सामान्यांच्या उद्धाराची एक जिवंत चळवळ आहे! याच पवित्र विचाराचे बाळकडू घेऊन, गेली ४६ वर्षे पुण्याच्या मातीत नागरी बँकिंगचा कणा मजबूत करणाऱ्या पुणे नागरी सहकारी बँक्‍स्‌ असोसिएशन लि. चा ४७ वा वर्धापन दिन मंगळवार, दि. १९ मे २०२६ रोजी दुपारी ४.३० वाजता अत्यंत देदीप्यमान सोहळ्यात साजरा होत आहे. असोसिएशनच्या भव्य ‘‘शिवाजीभाई ढमढेरे सभागृहात’’ हा सोहळा रंगणार असून, संपूर्ण महाराष्ट्रातील सहकार क्षेत्रातील दिग्गजांची पावले या निमित्ताने पुण्याच्या ऐतिहासिक भूमीत पडत आहेत.
ज्यांच्या नावाभोवती प्रशासकीय शिस्त, पारदर्शकता आणि सहकार चळवळीला गती देण्याचे वलय आहे, ते धडाडीचे सनदी अधिकारी मा. श्री. दिपक तावरे साहेब (भा.प्र.से., सहकार आयुक्त व निबंधक सहकारी संस्‍था, महाराष्ट्र राज्‍य, पुणे) यांच्या शुभहस्ते या भव्य सोहळ्याचे उद्घाटन होणार आहे.
केवळ एवढेच नव्हे, तर सहकार वर्तुळात अत्यंत प्रतिष्ठित आणि वैचारिक दिशा देणारे माध्यम मानल्या जाणाऱ्या ‘‘बँकिंग आशय अभिप्राय’’ या मासिकाच्या ‘वर्धापन दिन विशेष अंकाचे’ दिमाखदार प्रकाशनही तावरे साहेबांच्याच हस्ते संपन्न होणार आहे. बदलत्या आर्थिक जगतात नागरी बँकांना दिशा दाखवणारा हा अंक सहकार चळवळीसाठी मैलाचा दगड ठरेल, यात तीळमात्र शंका नाही.
आज कॉर्पोरेट आणि डिजिटल बँकिंगचे मोठे वादळ घोंगावत असताना, सामान्य माणसाचा विश्वास टिकवून ठेवण्याचे अथांग कसब पुणे जिल्ह्यातील नागरी सहकारी बँकांनी दाखवून दिले आहे. या आव्हानात्मक काळातही बँकांचा कारभार कसा सक्षम ठेवावा, यावर या सोहळ्यात मंथन होणार आहे. हा केवळ एक वर्धापन दिन नसून, सहकाराच्या भविष्यातील नव्या क्रांतीची ही नांदी आहे!
असोसिएशनचे धोरणी मुख्य कार्यकारी अधिकारी श्री. चंद्रकांत शेळके यांनी या मंगल प्रसंगी सर्व सभासद बँकांना आणि सहकार बांधवांना आग्रहाचे निमंत्रण दिले आहे. आपल्या बँकेचे सर्व आजी-माजी पदाधिकारी, संचालक मंडळ, मुख्य कार्यकारी अधिकारी, वरिष्ठ अधिकारी आणि रात्रीचा दिवस करून बँकेचा गाडा ओढणारा आमचा अहोरात्र कष्टकरी सेवक वर्ग… या सर्वांनी आपल्या संपूर्ण ताकदीनिशी आणि सहपरिवारासह या कार्यक्रमास उपस्थित राहावे, आपल्या उपस्थितीने या सोहळ्याची शोभा वाढवावी आणि सहकाराची वज्रमूठ अधिक घट्ट करावी, असे आवाहन श्री. शेळके यांनी केले आहे.
चला तर मग, मंगळवार, १९ मे रोजी दुपारी ४.३० वाजता शिवाजीभाई ढमढेरे सभागृहाकडे कूच करूया आणि सहकाराचा हा महासोहळा डोळ्यांत साठवून घेऊया!
#PressMediaLive #पुणेनागरीसहकारीबँक्सअसोसिएशन #सहकारमहासोहळा #वर्धापनदिन२०२६ #बँकिंगआशयअभिप्राय #सहकारचळवळ #पुणेसहकार #दीपकतावरे #चंद्रकांतशेळके #नागरीबँकिंग #सहकारशक्ती
