प्रचंड जनसमुदायाचा पाठिंबा; तस्लिम हसन शेख यांच्या उमेदवारीमुळे प्रभाग १९ चे राजकीय समीकरण बदलले !
पुणे महानगरपालिकेच्या निवडणुकीच बिगुल वाजले असून कोंढवा-कौसरबाग परिसरात राजकीय वातावरणाने चांगलीच उचल खाल्ली आहे. प्रभाग क्रमांक १९ मध्ये प्रदीर्घ काळापासून जनसेवेत सक्रिय असलेल्या तस्लिम हसन शेख यांनी जातीयवादी विचारांना तिलांजली देत अधिकृतपणे काँग्रेस पक्षात प्रवेश केला आहे. त्यांच्या या निर्णयामुळे प्रभागातील राजकीय समीकरणे पूर्णपणे बदलली असून विरोधकांचे धाबे दणाणले आहेत.
लोकप्रियतेचा महासागर: सर्वच थरांतून पाठिंबा
तस्लिम हसन शेख यांची ओळख एक अभ्यासू, डॅशिंग आणि सर्वसामान्यांच्या सुखादुःखात धावून जाणारे नेतृत्व म्हणून आहे. त्यांनी काँग्रेस पक्षात प्रवेश करताच कौसरबाग आणि परिसरातील नागरिकांनी त्यांचे उत्स्फूर्त स्वागत केले. विशेषतः महिला आणि तरुण वर्गामध्ये त्यांची मोठी क्रेझ पाहायला मिळत असून, “आपला माणूस, आपली ताकद” या भावनेतून लोक त्यांच्याशी जोडले जात आहेत. त्यांच्या जनसंपर्क कार्यालयात रोज वाढणारी गर्दी त्यांच्या लोकप्रियतेची साक्ष देत आहे.
विरोधकांच्या झोपा उडाल्या
आजवर प्रभाग १९ मध्ये स्वतःचे वर्चस्व मानणाऱ्या प्रस्थापित नेत्यांसमोर तस्लिम शेख यांनी मोठे आव्हान उभे केले आहे. त्यांच्या उमेदवारीमुळे विरोधकांच्या गोटात अस्वस्थता पसरली आहे. तस्लिम शेख यांनी थेट जनतेच्या प्रश्नांना हात घातल्यामुळे आणि कोणत्याही दबावाला बळी न पडता काम करण्याच्या त्यांच्या वृत्तीमुळे विरोधकांची पारंपारिक मते आता काँग्रेसकडे वळताना दिसत आहेत.
विकासाचा नवा अजेंडा
“जातीयवादाला थारा न देता, विकासाच्या राजकारणाला प्राधान्य” हा तस्लिम शेख यांचा मुख्य मंत्र आहे. आरोग्य, शिक्षण आणि कौसरबाग भागातील रस्ते व पाणी या मूलभूत समस्या सोडवण्यासाठी त्यांनी कंबर कसली आहे. सर्वसामान्यांच्या आवाजाला महानगरपालिकेत न्याय मिळवून देण्यासाठी त्या कटिबद्ध आहेत.
“प्रभाग १९ मधील जनतेने मला जे प्रेम आणि आशीर्वाद दिले आहेत, तीच माझी खरी संपत्ती आहे. जातीयवादी राजकारणाला कंटाळलेल्या लोकांसाठी काँग्रेस हाच एकमेव पर्याय आहे. प्रस्थापित नेत्यांनी आजवर जनतेला केवळ आश्वासने दिली, पण आम्ही कामातून उत्तर देऊ.” — तस्लिम हसन शेख (भावी उमेदवार, प्रभाग १९)
काँग्रेसला मिळाले नवे बळ
तस्लिम हसन शेख यांच्या प्रवेशामुळे केवळ प्रभाग १९ मध्येच नव्हे, तर संपूर्ण कोंढवा परिसरात काँग्रेसची ताकद कित्येक पटीने वाढली आहे. निष्ठावान कार्यकर्त्यांची मोठी फळी त्यांच्या पाठीशी उभी राहिली असून, येणाऱ्या काळात हा प्रभाग काँग्रेसचा बालेकिल्ला ठरेल, असा विश्वास राजकीय विश्लेषकांकडून व्यक्त केला जात आहे.
