विद्वत्तेच्या पंढरीत भीमजयंतीचा जल्लोष ; दिग्गज मान्यवरांच्या उपस्थितीत आझम कॅम्पसची ऐतिहासिक रॅली!
आज पुण्याच्या डॉ. पी. ए. इनामदार युनिव्हर्सिटी आणि आझम कॅम्पसने जे पाहिले ते पाहून खुद्द सूर्यालाही आपला प्रकाश थोडा फिका वाटला असेल! निमित्त होते महामानव, प्रज्ञासूर्य डॉ. बाबासाहेब आंबेडकर यांच्या जयंतीनिमित्त आयोजित करण्यात आलेल्या भव्य रॅलीचे. ज्यांच्या शब्दांनी अठरापगड जातींच्या जीवनात स्वाभिमानाची मशाल पेटवली, त्या बाबासाहेबांना अभिवादन करण्यासाठी आझम कॅम्पसचे मैदान आज जनसागराने ओसंडून वाहत होते.
अबेदा इनामदारांच्या हातातील झेंडा आणि सुरू झालेला इतिहास..!
रॅलीचा श्रीगणेशा झाला तोच मुळी एका आदरातिथ्याने आणि कर्तृत्वाच्या स्पर्शाने! सौ. अबेदा पी. इनामदार मॅडम यांच्या शुभहस्ते झेंडा दाखवण्यात आला आणि जणू शिस्तीचा आणि उत्साहाचा एक महापूरच पुण्याच्या रस्त्यांवर मार्गस्थ झाला. मॅडमच्या चेहऱ्यावरचा तो आत्मविश्वास आणि विद्यार्थ्यांच्या डोळ्यांतील ती चमक, हे दृश्य म्हणजे साक्षात सामाजिक एकात्मतेचे प्रतीक होते.
दिग्गजांचा लवाजमा आणि हजारो हातांचा लवौकिक..!
या रॅलीत केवळ गर्दी नव्हती, तर ज्ञानाचा आणि अनुभवाचा मोठा ताफा होता. आझम कॅम्पसचे ज्येष्ठ विश्वस्त डॉ. एन. वाय. काझी साहेब, एम.सी.ई. एस सोसायटीचे सचिव इरफान शेख सर , इफ्तिखार पी. इनामदार सर, आणि विश्वस्त वहाब शेख यांची उपस्थिती या सोहळ्याला एक वेगळीच उंची देऊन गेली. सोबतच अफजल खान, मश्कूर शेख, मोहम्मद गौस ऊर्फ बब्लू सय्यद, हाजी शब्बीर शेख, राज मुजावर सर, आरिफ सय्यद आणि मुश्ताक पटेल साहेब यांसारख्या झुंजार नेत्यांची फळी जणू या रॅलीचे सारथ्य करत होती.
शिक्षक, विद्यार्थी आणि व्यवस्थापनाचा त्रिवेणी संगम..!
मुस्लिम बँकेचे संचालक आणि आझम कॅम्पसचा अवघा कर्मचारी वर्ग आज रस्त्यावर उतरला होता. हजारो विद्यार्थ्यांचा तो शिस्तबद्ध समुदाय आणि त्यांच्या मुखातून निघणारा ‘जय भीम’चा जयघोष म्हणजे केवळ घोषणा नव्हती, तर तो बाबासाहेबांच्या विचारांचा हुंकार होता. शिक्षक आणि व्यवस्थापन समितीच्या सदस्यांनी ज्या पद्धतीने या रॅलीचे नियोजन केले, ते पाहून ‘शिस्त असावी तर आझम कॅम्पसचीच’ असे म्हणण्याची वेळ आली.
एकूणच काय, तर आजच्या या रॅलीने हे सिद्ध केले की, बाबासाहेबांचे विचार हे केवळ पुस्तकातले शब्द नाहीत, तर ते जगण्याचे आणि एकत्र येण्याचे एक महान साधन आहे. आझम कॅम्पसच्या या भव्य प्रतिसादाने पुण्याच्या सांस्कृतिक आणि सामाजिक इतिहासात एक सुवर्णपान नक्कीच जोडले आहे!
