आबेदा इनामदार यांच्या हस्ते कौतुकाची थाप; कर्तृत्वाचा यथोचित गौरव
पुणे शहराच्या सहकार विश्वात ज्या बँकेचा मोठा नावलौकिक आहे, त्या ‘द मुस्लिम को-ऑपरेटिव्ह बँक लिमिटेड’च्या उपाध्यक्षपदी लुकमान खान यांची बिनविरोध निवड झाली आहे. बिनविरोध निवड होणे ही आजच्या काळात केवळ योगायोग नसून, ती संबंधित व्यक्तीच्या निस्पृह कर्तृत्वाची आणि सर्वसमावेशक स्वभावाची पावती असते. लुकमान खान यांच्या रूपाने बँकेला एक अभ्यासू आणि संयमी नेतृत्व लाभले आहे, असे म्हटल्यास वावगे ठरणार नाही.
लुकमान खान यांची ही निवड जाहीर होताच शिक्षण क्षेत्रातील उत्तुंग व्यक्तिमत्व, एमसीई सोसायटीच्या अध्यक्षा आदरणीय आबेदा इनामदार मॅडम यांनी त्यांचा विशेष सत्कार केला. एखाद्या पारखी जव्हेऱ्याने रत्नाचे मोल ओळखावे, तसाच हा सत्कार सोहळा पार पडला. इनामदार मॅडम यांच्या हस्ते मिळालेली ही कौतुकाची थाप लुकमान खान यांच्या भावी वाटचालीसाठी नक्कीच नवी ऊर्जा देणारी ठरेल.
सहकार क्षेत्रात काम करताना सर्वांना सोबत घेऊन जाण्याचे कसब लागते. बँकेच्या संचालक मंडळाने लुकमान खान यांच्यावर जो विश्वास दाखवला आहे, तो पाहता बँकेच्या प्रगतीचा आलेख येणाऱ्या काळात अधिक उंचावेल, यात शंका नाही. ही निवड म्हणजे केवळ एक पद नसून, सामान्य सभासदांच्या हितासाठी स्वीकारलेली एक मोठी जबाबदारी आहे.
पुणे शहर आणि परिसरातील सामाजिक तसेच शैक्षणिक वर्तुळातून लुकमान खान यांच्यावर सध्या अभिनंदनाचा वर्षाव होत आहे. सहकाराचा हा रथ अधिक जोमाने पुढे नेण्यासाठी खान साहेब आता सज्ज झाले असून, त्यांच्या या निवडीबद्दल सर्वत्र समाधानाचे वातावरण आहे.
या वेळी बँकेचे चेअरमन मिस्टर तनवीर इनामदार साहेब व माजी व्हॉईस चेअरमन एडवोकेट आयुब शेख साहेबांनी सर्व डायरेक्टर यांचे अभिनंदन करून सर्वांचे आभार मानले.
