देशभरातील गुणवंतांचा होणार सन्मान; प्रेस मीडिया लाईव्हचा ‘राष्ट्रीय पुरस्कार’ वितरण सोहळा सोमवार, २९ डिसेंबर रोजी मिरजेत!

देशभरातील गुणवंतांचा होणार सन्मान ; प्रेस मीडिया लाईव्हचा ‘राष्ट्रीय पुरस्कार’ वितरण सोहळा सोमवार, २९ डिसेंबर रोजी मिरजेत !

पुणे: देशपातळीवर पत्रकारितेत आपला स्वतंत्र ठसा उमटवणारी आणि ‘क्रेडन्स बुक ऑफ वर्ल्ड रेकॉर्ड’मध्ये मानाचे स्थान मिळवणारी अग्रणी वृत्तसंस्था ‘प्रेस मीडिया लाईव्ह, पुणे’ च्या वतीने संस्थेचा ६ वा वर्धापन दिन सोहळा येत्या सोमवार, २९ डिसेंबर २०२५ रोजी मिरजेत मोठ्या उत्साहात आयोजित करण्यात आला आहे. या सोहळ्याचे मुख्य आकर्षण म्हणजे विविध क्षेत्रांत उल्लेखनीय कार्य करणाऱ्या देशभरातील गुणवंतांना दिले जाणारे ‘राष्ट्रीय पुरस्कार’

या भव्य सोहळ्याचे आयोजक ‘प्रेस मीडिया लाईव्ह, पुणे’ असून हा संपूर्ण कार्यक्रम राजकारण विरहित असणार आहे. केवळ गुणवंतांच्या कौतुकासाठी हा मंच समर्पित असेल, अशी अधिकृत माहिती मुख्य संपादक महेबूब सर्जेखान यांनी प्रसिद्धी पत्रकाद्वारे दिली आहे.

भव्य सोहळा आणि मान्यवरांची मांदियाळी

मिरज येथील कुपवाड रोडवरील चांदबी लॉन येथे सकाळी ११:०० ते दुपारी २:०० या वेळेत हा दिमाखदार सोहळा संपन्न होईल. या कार्यक्रमाला प्रमुख पाहुणे म्हणून ‘रपाटा’ फेम प्रसिद्ध अभिनेते महमदरफिक मांगुरे सर उपस्थित राहणार आहेत.

या सोहळ्याला विविध क्षेत्रांतील दिग्गजांची उपस्थिती लाभणार असून, प्रामुख्याने खालील मान्यवर सहभागी होणार आहेत:

पद्मजा खटावकर (प्रसिद्ध अभिनेत्री)

सौ. पूर्णिमा शिंदे (आकाशवाणी मुंबई)

यासर सलीमभाई सौदागर (सचिव, अल फताह स्कूल)

डी. एस. शिंदे (ज्येष्ठ संपादक) घर प्रमुख मिरज

बाबसौ राजमाने (अध्यक्ष, इचलकरंजी श्रमिक पत्रकार संघटना)

मिलिंद देशपांडे (ज्येष्ठ पत्रकार)

रितेश सुभाष कुंभार (महसूल विभाग)

मनोज रामचंद्र चव्हाण (कला-क्रीडा समन्वयक)

डॉ. सलीम आळतेकर

कार्यक्रमाचे विशेष आकर्षण 

आयोजक: प्रेस मीडिया लाईव्ह, पुणे ‘प्रेस मीडिया लाईव्ह, पुणे’ ने पत्रकारितेत आपल्या कार्याची दखल ‘क्रेडन्स बुक ऑफ वर्ल्ड रेकॉर्ड’मध्ये नोंदवली आहे. या ६ व्या वर्धापन दिनानिमित्त दिला जाणारा ‘राष्ट्रीय पुरस्कार’ हा पूर्णपणे राजकारण विरहित स्वरूपाचा असून, केवळ प्रामाणिक कर्तृत्व आणि सामाजिक योगदानाचा गौरव करणे हाच यामागचा मुख्य उद्देश आहे.

वेळेचे बंधन

मुख्य संपादक महेबूब सर्जेखान यांनी स्पष्ट केले आहे की, कार्यक्रम नियोजित वेळेतच (सकाळी ११:०० वाजता) सुरू होणार आहे. तरी सर्व पुरस्कारार्थी आणि निमंत्रितांनी वेळेवर उपस्थित राहून या सोहळ्याची शोभा वाढवावी, असे आवाहन आयोजकांच्या वतीने करण्यात आले आहे.