हल्लाबोल! महाराष्ट्राच्या तरुणाईला वाचवण्यासाठी प्रेस मीडियाचा रणसंग्राम; ‘नशामुक्त’ गावांना मिळणार मानाचा मुजरा!

पुणे | “अहो, हा महाराष्ट्र आहे की व्यसनाची मरुभूमी?” असा तडाखेबंद सवाल विचारून आज ‘प्रेस मीडिया लाईव्ह’ने झोपलेल्या समाजाला लाथ मारून जागे केले आहे! मा. श्री. मेहबूब सर्जेखान सर यांच्या शब्दांत ती ताकद आहे आणि त्यांच्या मार्गदर्शनाखाली आज संपूर्ण महाराष्ट्रात व्यसनमुक्तीचा जो ‘शंखनाद’ झाला आहे, त्याने व्यसनाचे ठेकेदार पुरते हादरले आहेत!

नशामुक्त व्हा आणि ‘पुरस्काराचे’ मानकरी व्हा!

प्रेस मीडियाने केवळ उपदेशाचे डोस पाजले नाहीत, तर कर्तृत्व गाजवणाऱ्यांना सन्मानित करण्याचे जाहीर केले आहे. जे गाव, जो तालुका आणि जो जिल्हा या विषारी विळख्यातून बाहेर पडेल, त्यांना ‘प्रेस मीडिया विशेष पुरस्कार’ देऊन उभ्या महाराष्ट्रासमोर गौरविले जाईल!

नशामुक्त गाव : जिथे दारूचा थेंब नाही, तोच खरा गाव!नशामुक्त तालुका : जिथे तरुण नशेत नाही, तर कामात दंग आहे ! नशामुक्त जिल्हा : जो महाराष्ट्राच्या प्रगतीचा कणा ठरेल..!

बेरोजगारीचं रडगाणं सोडा , व्यवसायाची जिद्द धरा.!

“नोकरी नाही म्हणून नशा करतोय,” हे लंगडं समर्थन आता चालणार नाही. अरे, हे उत्तर नव्हे, हा तर आत्मघात आहे! बेरोजगारीवर प्रहार करण्यासाठी प्रेस मीडियाने तरुणांना ‘व्यवसायाकडे वळवण्याचा’ जो ऐतिहासिक संकल्प केला आहे, तोच खऱ्या अर्थाने क्रांतीचा मार्ग आहे. स्वतःचं कुटुंब उघड्यावर पाडण्यापेक्षा उद्योजक होऊन जगाला जिंका, असा संदेश अनिस जमादार आणि त्यांची टीम आज गल्लीगल्लीत पोहोचवत आहे.

आता वेळ आली आहे क्रांतीची..!

मधुमेह मुक्त भारत‘ अभियानापासून ते ‘आदर्श ग्रामपंचायती’पर्यंतची ही वाटचाल म्हणजे नवा महाराष्ट्र घडवण्याचे स्वप्न आहे. आता प्रत्येक माय-माऊलीने आणि तरुणाने या युद्धात उतरायला हवे.