जातीचे खोटे, पण सत्तेचे मात्र पक्के..! कोल्हापुरातल्या ‘त्या’ तोतया लोकप्रतिनिधींच्या थोबाडात मारण्यासाठी उद्या महामोर्चाचा एल्गार..!
आरक्षणाच्या भाकरीवर डल्ला मारणाऱ्या ‘बोगस’ बहाद्दरांचा बुरखा फाडणार; अनुसूचित जाती आरक्षण बचाव समितीचा क्रांतीचा शंखनाद..!
कोल्हापूर | विशेष प्रतिनिधी
ज्या कोल्हापुरात राजर्षी शाहू महाराजांनी आरक्षणाचे पहिले रोपटे लावले, त्याच कोल्हापुरात आज काही ‘लांडग्यांनी’ आरक्षणाच्या कुरणात शिरकाव केला आहे! स्वतःच्या रक्ताचा थेंबही ज्या जातीचा नाही, त्या जातीचे खोटे दाखले खिशात घालून हे ‘तोतये’ लोकप्रतिनिधी सत्तेच्या खुर्च्या उबवत आहेत. हा केवळ कायद्याचा भंग नाही, तर माझ्या दलित, शोषित आणि कष्टकरी बांधवांच्या अन्नात माती कालवण्याचा नीच प्रकार आहे! या ‘बोगस’ लोकांच्या श्रीमुखात लगावण्यासाठी उद्या कोल्हापूरच्या बिंदू चौकात संघर्षाचा वणवा पेटणार आहे!
कोण आहेत हे सत्तेचे ‘दरोडेखोर’?
पट्टण कोडोलीचे श्री. दरगोंडा बसगोंडा पाटील (महेश पाटील), गडहिंग्लजचे नगराध्यक्ष महेश महादेव तुरबतमठ आणि इचलकरंजीची नगरसेविका सौ. अलका अशोक स्वामी… ही नावे नीट वाचून घ्या! यांनी अनुसूचित जातीच्या (SC) आरक्षित जागांवर स्वतःचे डोळे लावले आणि बोगस प्रमाणपत्रांच्या जिवावर सत्तेच्या पायऱ्या चढल्या. अहो, लाज कशी वाटत नाही? स्वतःच्या स्वार्थासाठी दुसऱ्याच्या हक्काचा घास हिरावून घेताना तुमचे हात कापले नाहीत? हा लोकशाहीचा खून आहे आणि संविधानाच्या पाठीत खुपसलेला खंजीर आहे!
प्रशासकीय पांढरपेशी आणि आंधळा कारभार!
हे तोतये उजळ माथ्याने मिरवत असताना आमचे सरकार आणि प्रशासन काय गाढवाच्या खुराव्याला गेले होते का? कागदपत्रांची खातरजमा न करता डोळे झाकून खोटे दाखले देणारे ते अधिकारी आणि पडताळणी समितीतील ‘महानुभाव’ या सर्वांवर फौजदारी गुन्हे का दाखल झाले नाहीत? जोपर्यंत या भ्रष्ट अधिकाऱ्यांच्या मुसक्या आवळल्या जात नाहीत, तोपर्यंत ही ‘बोगसगिरीची’ कीड थांबणार नाही.
आता वेळ आलीय जाब विचारण्याची!
‘अनुसूचित जाती SC आरक्षण बचाव जन आंदोलन समिती’ने आता कंबर कसली आहे. उद्या सोमवार, ९ मार्च २०२६ रोजी सकाळी ठीक ११ वाजता बिंदू चौकातून हा मोर्चा जिल्हाधिकारी कार्यालयावर धडकणार आहे. हा मोर्चा केवळ निषेधाचा नाही, तर या लबाड प्रवृत्तींना गाडण्यासाठी काढलेला अंत्यविधीचा ताफा आहे!
आमच्या प्रमुख डरकाळ्या (मागण्या):
१) दाखले रद्द करा: दरगोंडा पाटील, महेश तुरबतमठ आणि अलका स्वामी यांची बोगस प्रमाणपत्रे तात्काळ रद्द करून त्यांना उघड्यावर पाडा!
२) पदे बरखास्त करा: खोट्या पायावर उभा असलेला सत्तेचा महाल जमीनदोस्त करा, त्यांची पदे त्वरित रद्द करा!
३) तुरुंगात धाडा: शासनाची दिशाभूल केल्याबद्दल या सर्वांवर कडक फौजदारी गुन्हे दाखल करून त्यांची रवानगी तुरुंगात करा!
४) भ्रष्ट अधिकाऱ्यांचे हात कलम करा: कागदपत्रांची खातरजमा न करता दाखले देणाऱ्या अधिकाऱ्यांवर कठोर कारवाई करा!
५) प्रक्रिया कडक करा: भविष्यात कोणत्याही तोतयाला आरक्षणाला हात लावता येणार नाही, इतकी कडक नियमावली करा!
चला, बिंदू चौकाकडे!
तमाम बौद्ध, मातंग, चर्मकार, खाटीक, वाल्मिकी, बुरुड आणि इतर सर्व दलित बांधवांना आमचा पुकारा आहे—आता घरात बसून चालणार नाही! तुमच्या मुलांचे भविष्य, त्यांच्या नोकऱ्या आणि त्यांचा स्वाभिमान या बोगस लोकांनी धोक्यात आणला आहे. या अन्यायाचा कडेलोट करण्यासाठी उद्या कोल्हापुरात जनसागराचा महापूर लोटला पाहिजे!
बघूया, या तोतयांना वाचवणारे हात मोठे आहेत की संविधानाचा रक्षणकर्ता माझा समाज मोठा आहे!
